nagtatanong lang

paano kung di ko alam ang gusto kong mangyari,
dapat bang hanapin, itanong, isangguni?

paano kung malaman ko'ng ayoko ng dapat kong gawin,
tatanggi ba ako o susunod din?

paano kung 'di umayon ang naisip kong tahakin,
tatanggapin ba ang bunga o iba ang sisihin?

paano kung sa huli'y naisip na 'di na dapat nagtanong,
may saysay pa bang ituloy ang saknong?

nagtatanong lang